Elanlar

Sifarişçi Azərbaycan Respublikasının Rəqəmsal İnkişaf və Nəqliyyat Nazirliyinin tabeliyində Azərbaycan Yerüstü Nəqliyyat Agentliyi aşağıdakı müntəzəm marşrutlar üzrə sərnişindaşıma hüququna dair müsabiqəni elan edir.

            28, 31 mart, 04, 07, 11 aprel 2023-cü il tarixlərində 25 lot üzrə 5 istiqamətdə (“Bakı-Qazax-Bakı”, “Bakı-Biləsuvar-Bakı”, “Bakı-Ağcabədi-Bakı”, “Bakı-Quba-Bakı”, “Bakı-Qusar-Bakı”) “Avtomobil nəqliyyatı haqqında” Azərbaycan Respublikasının Qanununa, Azərbaycan Respublikası Nazirlər Kabinetinin 2009-cu il 03 aprel tarixli 52 nömrəli Qərarı ilə təsdiq edilmiş “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası”na uyğun müsabiqə keçiriləcəkdir (Cədvəl - 1 əlavə olunur).

          İddiaçılar müsabiqədə iştirak etmək üçün aşağıda göstərilən sənədləri 01 mart 2023-cü il saat 17:00-dək, ixtisas məlumatlarını isə 15 mart 2023-cü il saat 17:00-dək, Bakı şəhəri, Tarzən Hacı Məmmədov küçəsi, 5 ünvanında yerləşən Azərbaycan Yerüstü Nəqliyyat Agentliyinə təqdim etməlidirlər. Göstərilən vaxtdan gec təqdim olunmuş sənədlər qeydiyyata alınmayacaq. İddiaçılar və onların müvafiq qaydada rəsmiləşdirilmiş sənədlə müvəkkil etdikləri səlahiyyətli nümayəndələri komissiyanın iclasında iştirak edə bilərlər.  

Müsabiqədə iştirak etmək üçün aşağıdakı sənədlər təqdim edilməlidir:

1. İştirak haqqında müsabiqə ərizəsi;
2. İştirakçı haqqında məlumat;
3. Fərdi sahibkar üçün şəxsiyyət vəsiqəsinin surəti, hüquqi şəxslər üçün dövlət reyestrindən çıxarış;
4. İddiaçının vergi ödəyicisi kimi uçota alınmasını təsdiq edən sənədin surəti;
5. İddiaçının Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin olmaması haqqında müvafiq arayış.

       Əlaqələndirici şəxs: (Ramil Musayev - tel: 012-567-99-76, +994555123497,  

       E-mail: ramil.musayev@ayna.gov.az;)