2026-cı il üzrə BNF icazələrinin bölgüsü üçün tələb olunan sənədlər

2026-cı il üzrə BNF icazələrinin bölgüsündə iştirak etmək istəyən daşıyıcılar sənədləri oktyabrın 31-dək Bakı şəhəri, Əhməd Rəcəbli küçəsi,169 ünvanında yerləşən ABADA-nın sənəd qəbulu mərkəzinə təqdim etməlidirlər. (Tel.: 055-675-88-59) 

Sənədlərin yoxlanılması və BNF icazələrinin bölgüsü daşıyıcıların iştirakı ilə İşçi qrup tərəfindən aparılacaq.

Bölgüdə iştirakla bağlı operator tərəfindən yazılan ərizəyə aşağıdakı sənədlər əlavə olunur:

Şirkətə dair:

1.   daşıyıcı taxoqraf kartının surəti;

2.   yalnız bir avtonəqliyyat vasitəsinə malik olduqda, 9000 (doqquz min) avro, iki və daha çox avtonəqliyyat vasitəsinə malik olduqda, hər əlavə avtonəqliyyat vasitəsi üçün 5000 (beş min) avro aktivlərə (pul vəsaitlərinə, depozitlərə və digər aktivlərə) malik olması barədə kənar (müstəqil) auditor tərəfindən təsdiq edilmiş son hesabat dövrünə aid maliyyə hesabatları, aktivləri barədə məlumat və ya maliyyə vəziyyəti barədə bank arayışı.

Avtonəqliyyat vasitəsinə dair:

1. dövlət qeydiyyat şəhadətnaməsinin surəti;

2. ekoloji sinfi təsdiq edən sertifikatın surəti;

3. dartıcının istismara yararlılıq sertifikatının surəti.

Sürücüyə dair:

1. əmək müqaviləsinə dair “əmək müqaviləsi bildirişi” altsistemindən çıxarış;

2. peşəkarlıq səriştəsi ilə bağlı hazırlıq keçməsi haqqında şəhadətnamənin surəti;

3. rəqəmsal taxoqraf kartının surəti.

Qeyd:

1.   BNF icazələrinin bölgüsündə Buraxılış vəsiqəsi olan hüquqi və fiziki şəxslər iştirak edə bilərlər;

2.   Təqdim edilən hər bir avtonəqliyyat vasitəsinin beynəlxalq daşımalara Buraxılış kartı olmalıdır;

3.   Rusiya açıq BNF icazələri yalnız Avro-6 ekoloji sinfinə aid avtonəqliyyat vasitələrinə münasibətdə bölünəcək.