AYNA “Təhlükəsiz yol hərəkəti uşaqların gözü ilə” mövzusunda təlim təşkil edib
07 Yanvar, 2025
Azərbaycan Yerüstü Nəqliyyat Agentliyi (AYNA) tərəfindən uşaqlar arasında təhlükəsiz yol hərəkətinin təşviqi və onları maarifləndirmək məqsədilə ekskursiya təşkil edilib. Ekskursiya zamanı 263 nömrəli orta məktəbin şagirdləri “BakuBus”ın müasir avtobus parkında yeni nəsil elektrik avtobusları ilə tanış olublar. Onlara bu nəqliyyat vasitələrinin texniki üstünlükləri və ekoloji faydaları barədə maraqlı məlumat verilib.
AYNA-nın Təlim-Tədris Mərkəzində keçirilən “Təhlükəsiz yol hərəkəti uşaqların gözü ilə” mövzusunda təlimdə isə şagirdlərə yol hərəkəti qaydaları maraqlı və anlaşılan formada təqdim edilib. Burada uşaqlara həm yol təhlükəsizliyinin əhəmiyyəti aşılanıb, həm də gündəlik həyatda istifadə edə biləcəkləri faydalı biliklər çatdırılıb.
Daha sonra şagirdlərin nəzəri bilikləri əyləncəli və interaktiv tapşırıqlarla möhkəmləndirilib.
Təlimin sonunda uşaqlara nəqliyyat vasitələri və yol təhlükəsizliyi ilə bağlı kitabçalar hədiyyə edilib.
Digər xəbərlər
19 Iyun, 2026
149E nömrəli ekspres marşrutu fəaliyyətə başlayır
19 Iyun, 2026
AYNA ictimai nəqliyyat üzrə mötəbər beynəlxalq təşkilatın üzvü oldu
19 Iyun, 2026
Daha 4 ünvanda minib-düşmə yerləri və taksi duracaqları təşkil edilib
18 Iyun, 2026
Sürücü qeydiyyatı zamanı məlumatların yoxlanılması avtomatlaşdırılır
17 Iyun, 2026
Daha bir neçə istiqamət üzrə keçirilən müsabiqələrin qalibləri müəyyən edilib
