“Biletim.az” portalında mühüm yenilik
28 Aprel, 2026
“Biletim.az” portalı üzərindən bilet alışı
prosesini sürətləndirmək və sərnişin məlumatlarının təkrar daxil edilməsinin
qarşısını almaq məqsədilə tətbiqə daha bir funksiya əlavə olunub.
Vaxta qənaət, müştəri məmnuniyyətinin təmin edilməsi
istiqamətində növbəti yenilik istifadəçilərə şəxsiyyət vəsiqəsi və xarici
pasport məlumatlarını sistemdə yadda saxlamaq imkanı yaradır.
Bu yenilik sayəsində istifadəçi 5 şəxsiyyət vəsiqəsi
və 5 xarici pasport məlumatlarını portala əlavə etmək imkanı əldə edir.
Həmçinin saxlanılmış sənədləri redaktə və əlavə etmək,
silmək mümkündür.
Qeyd edək ki, sənədlərdən biri əsas, digərləri əlavə
sənəd kimi təyin edilə bilər və bilet alışı zamanı avtomatik seçilmiş şəkildə
göstəriləcək.
“Biletim.az” portalında 58 məntəqə, 92 istiqamət
üzrə bilet almaq mümkündür. Sistemə 357 reys olmaqla 406 nəqliyyat vasitəsi
qoşulub. Onlayn bilet satışı sistemi mərhələli şəkildə sərnişindaşıma sahəsində
xidmət göstərən bütün daşıyıcı və avtovağzalları əhatə edəcək.
Digər xəbərlər
17 Iyul, 2026
525 nömrəli marşrutun fəaliyyəti təkmilləşdirilir
17 Iyul, 2026
“Koroğlu” NMM-i Sea Breeze ilə əlaqələndirən ekspres marşrutu fəaliyyətə başlayır
15 Iyul, 2026
Əbdüləzəl Dəmirçizadə küçəsində hərəkət istiqaməti dəyişdirilir
15 Iyul, 2026
M8 marşrut avtobusunun hərəkət sxemi dəyişir
15 Iyul, 2026
39 nömrəli marşrutun hərəkət sxemi və avtobusları dəyişdirilir
