Daha bir ərazidə mikromobillik zolağı təşkil olunur
05 May, 2026
AYNA tərəfindən Bakı şəhərində mikromobillik
infrastrukturunun inkişaf etdirilməsi istiqamətində işlər davam etdirilir. Məqsəd
şəbəkənin davamlılığına nail olmaq və mikromobillik vasitələrindən istifadə edən
hərəkət iştirakçılarının təhlükəsizliyini və rahatlığını təmin etməkdir.
Kəsintisiz mikromobillik zolağının təşkili üçün mərhələli
qaydada velosiped yolları əlaqələndirilir.
Görülən işlər çərçivəsində Xətai prospektindən
başlayaraq Fəzail Bayramov, Yusif Səfərov və Hüseyn Rəsulbəyov küçələrini əhatə
edəcək 2 km-lik mikromobillik zolağı Kövkəb Səfərəliyeva küçəsindəki mövcud velosiped
zolağı ilə birləşdiriləcək.
Hazırda ərazidə müvafiq nişanlanma işləri aparılır.
Yaxın günlərdə yol nişanlarının və təhlükəsizlik sədlərinin quraşdırılması həyata
keçiriləcək.
Şəhər konsepsiyası çərçivəsində mikromobillik
zolaqları şəbəkəsi genişləndiriləcək. Məqsəd xüsusilə yaxın məsafələrə
səfərlər zamanı mikromobillik vasitələrini yol hərəkəti iştirakçıları üçün nəqliyyat
vasitəsinə çevirməkdir.
Digər xəbərlər
16 Oktyabr, 2026
218 nömrəli yeni marşrut xətti istifadəyə verilir
16 Oktyabr, 2026
“20 Yanvar” metrostansiyası və “Şamaxinka” ətrafında bəzi marşrutlar dayanacaq məntəqələrindən çıxarılır
15 Oktyabr, 2026
8 müntəzəm marşrutun hərəkəti alternativ küçələrlə təşkil ediləcək
13 Oktyabr, 2026
51, 118A və 162 nömrəli marşrutlar üzrə müsabiqələrin qalibləri müəyyən edilib
13 Oktyabr, 2026
92 nömrəli marşrutun bütün avtobusları yenilənir
