“Ekoloji təmiz və təhlükəsiz nəqliyyat vasitələrinin dövriyyəsinin stimullaşdırılması və infrastrukturunun təkmilləşdirilməsi üzrə” altqrupun növbəti tematik görüşü keçirilib

05 fevral 2025-ci il il tarixində Biznes mühiti və beynəlxalq reytinqlər üzrə Komissiyanın Rəqəmsal İnkişaf və Nəqliyyat Nazirliyinin rəhbərliyini həyata keçirdiyi “Fiziki infrastruktur” işçi qrupunun “Ekoloji təmiz və təhlükəsiz nəqliyyat vasitələrinin dövriyyəsinin stimullaşdırılması və infrastrukturunun təkmilləşdirilməsi üzrə” altqrupunun tematik görüşü keçirilmişdir.

Görüş çərçivəsində altqrupa üzv olan özəl sektor nümayəndələri tərəfindən altqrupun 27.01.2025-ci il tarixli iclasında qaldırılan məsələlərə, xüsusilə də, Azərbaycan Avtomobil Dilerləri Assosiasiyasına (AADA) üzv şirkətlər tərəfindən edilən çağırışlara bir daha aydınlıq gətirilməsi məqsədilə aidiyyəti dövlət qurumlarınin nümayəndələrinin iştirakı ilə müzakirələr aparıldı.  

“Toyota Qafqaz” şirkətinin nümayəndəsi tərəflərindən göstərilən bütün servis xidmətlərinin, avadanlıqlarının, ehtiyat hissələrinin sertifikasiyadan keçdiyini vurğuladı və AZS 635-2014 standartının şərtlərinə yenidən birgə baxmağı təklif etdi.

Görüş iştirakçıları idxalsonrası rəqabət şərtlərinin bərabərləşdirilməsi üçün texniki normalar üzərində düşünülə biləcəyini qeyd etdilər, eləcə də mövzunun aktuallığını nəzərə alaraq, AADA tərəfindən bu sahədə bazar tələbinin və payının müəyyən edilməsini, aktual məsələlərə dair ətraflı təkliflər planının hazırlanması və dövlət orqanlarına göndərilməsi təklif etdilər. 

Görüşdə biznes mühitinin inkişafı və istehlakçı hüquqlarının müdafiəsi aspektindən dövlət-biznes dialoqu platforması çərçivəsində müzakirələrin davam etdirilməsi və birlikdə təkliflərin hazırlanaraq aidiyyəti üzrə təqdim olunmasının zəruriliyi vurğulandı.