Məktəblilər üçün yol hərəkəti qaydaları və nişanları ilə bağlı təlim keçirilib
19 Sentyabr, 2025
“Avropa Mobillik Həftəsi” çərçivəsində Azərbaycan Yerüstü Nəqliyyat Agentliyi (AYNA) tərəfindən növbəti tədbir təşkil edilib.
Maarifləndirici tədbir 167 nömrəli tam orta məktəbin ibtidai sinif şagirdləri üçün keçirilib. Tədbirdə məktəblilərə yol hərəkəti qaydaları və yol nişanları ilə bağlı məlumat verilib. Daha sonra uşaqlarla birgə şəhər üzrə informativ avtobus turu təşkil edilib. Məqsəd yol nişanları, işıqforlar, piyada keçidləri ilə praktiki şəkildə tanış olmaqdır.
Qeyd edək ki, “Avropa Mobillik Həftəsi” Avropa Komissiyasının dayanıqlı şəhər hərəkətliliyi mövzusunda maarifləndirmə kampaniyasıdır. AYNA Bakı şəhərində “Avropa Mobillik Həftəsi”nə müraciət edib və namizədliyi uğurla təsdiqlənib. Bu istiqamətdə 16-22 sentyabr tarixlərində davamlı hərəkətliliyə yönələn tədbirlər və “Avtomobilsiz Gün” keçiriləcək.
Digər xəbərlər
26 May, 2026
Naxçıvanda yol nişanları yenilənir
25 May, 2026
Daha 3 ünvanda minib-düşmə yeri yaradılıb
25 May, 2026
Avtovağzallar bayram günlərində gücləndirilmiş iş rejimində fəaliyyət göstərəcək
25 May, 2026
“Biletim.az” portalına yeni funksiya əlavə olunub
23 May, 2026
WUF13 çərçivəsində 179 000-ə yaxın sərnişin daşınıb
