AYNA daha iki marşrut üzrə müasir avtobuslar istifadəyə verir
30 Sentyabr, 2024
Azərbaycan Yerüstü Nəqliyyat Agentliyi (AYNA) sərnişindaşıma sahəsində rəqabətli mühitin yaradılması, xidmət keyfiyyətinin yüksəldilməsi məqsədilə 1 oktyabr tarixindən 150 nömrəli şəhərətrafı və 60 nömrəli şəhərdaxili müntəzəm avtobus marşrutları üzrə xəttə yeni avtobuslar cəlb edir.
Belə ki, Bakı şəhərində yeni marşrut şəbəkəsinin tətbiqi çərçivəsində Bilgəh qəsəbəsini “Koroğlu” Nəqliyyat Mübadilə Mərkəzi ilə əlaqələndirən 150 nömrəli şəhərətrafı, həmçinin “Koroğlu” Nəqliyyat Mübadilə Mərkəzini Xətai rayonunun Polad Həşimov küçəsi ilə əlaqələndirən 60 nömrəli şəhərdaxili müntəzəm avtobus marşrutları üzrə keçirilən müsabiqənin nəticələrinə əsasən, "BakuBus" MMC komissiya üzvləri tərəfindən qalib elan olunub.
Sözügedən marşrutlar üzrə sərnişindaşıma müasir və komfortlu avtobuslarla, nağdsız ödəniş əsasında həyata keçiriləcək.
Qeyd edək ki, oktyabrın 1-dən paytaxtın 171 nömrəli avtobus marşrutu fəaliyyətini dayandırır. Həmin istiqamətdə 150 nömrəli marşrut fəaliyyət göstərəcək.
Digər xəbərlər
10 Avqust, 2026
Bakıda mikromobillik vasitələri ilə 18 milyon km-ə yaxın məsafə qət edilib
07 Avqust, 2026
Şəhərlərarası, şəhərətrafı və şəhərdaxili marşrutlar üzrə müsabiqələrin qalibləri müəyyən edilib
07 Avqust, 2026
“Biletim.az” portalı üzərindən onlayn bilet alanların sayı 2 dəfəyədək artıb
06 Avqust, 2026
6 marşrutun hərəkəti alternativ küçələrlə təşkil edilir
05 Avqust, 2026
24 nömrəli marşrutun hərəkət sxemi müvəqqəti dəyişdirilib
