Dövlət Avtomobil Nəqliyyatı Xidmətində müntəzəm avtobus daşıyıcıları ilə görüş keçirilib
18 Mart, 2022
Rəqəmsal İnkişaf və Nəqliyyat Nazirliyi yanında Dövlət Avtomobil Nəqliyyatı Xidmətində müntəzəm avtobus daşıyıcıları ilə görüş keçirilib.
Görüşdə daşıyıcıların fəaliyyəti və qarşılaşdıqları problemlər müzakirə olunub, onların təklifləri dinlənilib.
Bildirilib ki, hazırda müntəzəm daşıyıcıların qarşılaşdığı əsas problemlərdən biri avtovağzallardan kənar qanunsuz reyslərin həyata keçirilməsidir. Bunun qarşısının alınması üçün şəhərlərarası sərnişin daşımalarını yerinə yetirən avtobuslara dair tələblərin müəyyən edilməsi müzakirə olunub.
Təklif edilib ki, ilkin mərhələdə mərkəzləşdirilmiş monitorinq sistemi yaradılsın və elektron qurğular vasitəsilə marşrutların icrasına nəzarət edilsin.
Həmin qurğularla avtobusların real vaxt rejimində hərəkət istiqamətləri, durma məntəqələri və yerləşdikləri məntəqələrin koordinatlarının təyin edilməsi mümkün olacaq. Eyni zamanda, sürücülərin avtobusları avtovağzallardan kənarda saxlamalarına dair məlumatlar da əldə ediləcək.
Qeyd edək ki, Dövlət Avtomobil Nəqliyyatı Xidmətində avtovağzalların işində səmərəliliyin artırılması ilə bağlı tədbirlər planı hazırlanıb. Tədbirlər planına əsasən, respublika ərazisində, eləcə də Bakı şəhərinin müxtəlif ərazilərində qeyri-qanuni avtovağzal xidməti göstərilən yerlərin müəyyənləşdirilməsi və onların fəaliyyətinin dayandırılması üçün müvafiq addımların atılması nəzərdə tutulub.
Digər xəbərlər
05 Iyun, 2025
“Yay musiqi mövsümü”nün ziyarətçiləri xüsusi avtobuslarla daşınacaq
05 Iyun, 2025
“Biletim.az” portalı üzərindən onlayn bilet alanların sayı artır
05 Iyun, 2025
“Yaşıl” nəqliyyata keçid ekoloji yükü azaldır
03 Iyun, 2025
Avtovağzallar bayram günlərində gücləndirilmiş iş rejimində fəaliyyət göstərəcək
03 Iyun, 2025
Veloyürüş təşkil edilib
