Lapis-Lazuli üzrə yükdaşımaların başlanmasına start verilib.
27 Avqust, 2019
Lapis-Lazuli üzrə yükdaşımaların başlanmasına start verilib.
İstinad: AZƏRTAC
Əfqanıstan-Türkmənistan-Azərbaycan-Gürcüstan-Türkiyənin iştirak etdiyi Lazurit dəhlizi (Lapis-Lazuli) üzrə yükdaşımaların başlanmasına start verilib. Lazurit dəhlizinin uğurla istismara verilməsi region dövlətlərinin iqtisadi tərəqqisinə güclü təkan verəcək, kənd təsərrüfatı və digər məhsulların, faydalı qazıntıların Əfqanıstandan dünya bazarlarına çıxarılması, yeni iş yerlərinin yaradılması hesabına bu ölkədə vəziyyətin tezliklə stabilləşməsinə kömək edəcək.
Yüklər Heratdan Turqundi stansiyasına, oradan Türkmənistanın Sərhədabad şəhərinə, sonra bütün ölkənin ərazisindən keçərək Türkmənbaşı Beynəlxalq Dəniz Limanına çatacaq. Daha sonra avtomobil karvanı Xəzər dənizi ilə Azərbaycana – Bakı Beynəlxalq Dəniz Limanına yola salınacaq.
Beləliklə, Lapis-Lazuli marşrutu üzrə ilk sınağa start verilib. Lazurit dəhlizi layihənin üzv ölkələrinə regional və kontinental ticarət bazarlarına çıxışları şaxələndirmək imkanı verəcək. Bu da, öz növbəsində, həm bu dəhliz vasitəsilə yük daşıyan ölkələrin, həm də ərazisindən malların tranziti üçün istifadə olunacaq dövlətlərin iqtisadi inkişafına səbəb olacaq.
Digər xəbərlər
22 May, 2025
BNF icazələrinin növbəti bölgüsü keçirilib
21 May, 2025
Parklanma məntəqələri vahid nömrə ilə qeyd edilir
16 May, 2025
508 və 521 nömrəli marşrutların hərəkəti dəyişdirilir
16 May, 2025
Şagirdlər yol hərəkəti qaydaları ilə bağlı maarifləndirilib
16 May, 2025
Avtobuslardan istifadə edənlərin sayı artıb
