Ümummilli lider Heydər Əliyevin anım gününə həsr edilən tədbir keçirilib
12 Dekabr, 2023
Azərbaycan Yerüstü Nəqliyyat Agentliyində (AYNA) ümummilli lider Heydər Əliyevin anım gününə həsr edilən tədbir keçirilib. Tədbirdə ulu öndərin əziz xatirəsi bir dəqiqəlik sükutla yad olunub.
Çıxış edənlər ümummilli lider Heydər Əliyevin çoxşaxəli fəaliyyətindən, Azərbaycanın inkişafı, milli dövlətçiliyin gücləndirilməsi istiqamətində misilsiz xidmətlərindən danışıblar. Qeyd olunub ki, Heydər Əliyev öz xalqını zamanın mürəkkəb tarixi-siyasi sınaqlarından uğurla çıxaran və ardıcıl mübarizə apararaq onu müstəqilliyə qovuşduran qüdrətli şəxsiyyətdir. Dahi şəxsiyyətin respublikamıza rəhbərlik etdiyi bütün dövrlər möhtəşəm quruculuq, tərəqqi və hərtərəfli inkişaf mərhələləri kimi şanlı tariximizin qızıl səhifələridir. Bildirilib ki, xalqımızın və dövlətimizin əldə etdiyi bütün uğurların təməlində Heydər Əliyev siyasəti və işıqlı əməlləri dayanır.
Tədbirdə ulu öndərin mənalı həyat və zəngin siyasi fəaliyyətinə həsr olunan videoçarx, eləcə də “Heydər Əliyev və Azərbaycanın nəqliyyat strategiyası” adlı təqdimat nümayiş etdirilib.
Digər xəbərlər
17 Aprel, 2025
5 şəhərətrafı müntəzəm avtobus marşrutu müsabiqəyə çıxarılır
16 Aprel, 2025
Bəzi ərazilərdə avtobusların hərəkət sxemi dəyişdirilib
16 Aprel, 2025
Qeyri-sabit hava şəraiti ilə əlaqədar bütün daşıyıcılar məlumatlandırılıb
15 Aprel, 2025
Qala qəsəbəsinin Xaşaxuna yaşayış massivinin nəqliyyat əlçatanlığı artırılıb
14 Aprel, 2025
Bir neçə avtobus marşrutu üzrə keçirilən müsabiqənin qalibləri müəyyən edilib
