Gəncə Beynəlxalq, Quzanlı, Şamaxı və Sumqayıt Avtovağzallarına pasportlar təqdim edildi.

27-08-2019

Gəncə Beynəlxalq, Quzanlı, Şamaxı və Sumqayıt Avtovağzallarına pasportlar təqdim edildi.

Azərbaycan Respublikası Nazirlər Kabinetinin 2009-cu il 5 fevral tarixli 22 nömrəli qərarı ilə təsdiq edilmiş “Avtovağzal və avtostansiya haqqında Əsasnamə”yə əsasən hər bir avtovağzalın (avtostansiyanın) onun kateqoriyasına uyğun pasportunun zəruriliyi rəsmiləşdirilmişdir.

Pasport avtovağzalın (avtostansiyanın) qanuni fəaliyyət göstərməsi üçün əsas rəsmi sənəd hesab edildiyindən, mayın 23-də Dövlət Avtomobil Nəqliyyatı Xidmətinin rəisi Həbib Həsənov Avtovağzalların rəhbərləri ilə görüşmüş və onlara qanuni şəkildə fəaliyyətlərini davam etdirmək üçün pasportlar təqdim etmişdir.
İclasda, Gəncə Beynəlxalq, Quzanlı, Şamaxı və Sumqayıt Avtovağzallarının rəhbərləri iştirak etmişlər.
Görüş zamanı sərnişin daşımada yarana biləcək problemlərə dair fikir mübadiləsi aparılmış, qeyri-qanuni bilet satışının qarşısının alınması, avtobusların Avtostansiyalara cəlb olunması və qrafiki kimi məsələlər əsas müzakirə obyekti olmuşdur. Bundan əlavə, yeni istismara verilmiş Quzanlı Avtovağzalında qeyri-qanuni fəaliyyətlə məşğul olan daşıyıcılara dair qabaqcadan tədbirlərin görülməsinə dair Dövlət Avtomobil Nəqliyyatı Xidmətindən müvafiq dəstəyin verilməsi ilə bağlı tərəflər ilkin razılığa gəlmişlər.