Avtomobil nəqliyyatı ilə yük və sərnişindaşımada əhəmiyyətli artım qeydə alınıb
20 Fevral, 2025
2025-ci
ilin yanvar ayı ərzində nəqliyyat sektorunda fəaliyyət göstərən təsərrüfat
subyektləri tərəfindən daşınan 18,4 milyon ton yükün 55,7%-i, 157,2 milyon sərnişinin
isə 87,9%-i avtomobil nəqliyyatının payına düşüb.
Bu, 10,2 milyon ton yük və 138,2 milyon sərnişin daşınması deməkdir və ötən ilin
yanvar ayı ilə müqayisədə müvafiq olaraq 9,8% və 8,4% çoxdur. Sərnişinlərin 95,7%-i avtobus, 4,3%-i isə
taksi xidmətlərindən istifadə edib. Həmçinin avtobusla sərnişindaşımada 8,8%
artım, taksi ilə sərnişindaşımada isə 0,5% azalma qeydə alınıb.
Bu
göstəricilər Azərbaycanın avtomobil nəqliyyatı infrastrukturunun müasirləşdirilməsi,
xidmət keyfiyyətinin artırılması və daşımaların daha effektiv təşkili istiqamətində
görülən işlərin uğurlu nəticəsidir. Yerüstü nəqliyyat sektorunda rəqəmsallaşma,
yeni avtobusların istismara verilməsi və yolların təkmilləşdirilməsi sərnişin və
yük daşımalarının həcminin artmasına əhəmiyyətli təsir göstərmişdir.
Digər xəbərlər
08 May, 2025
5 müntəzəm marşrutun hərəkət sxemi dəyişdirilir
08 May, 2025
399 küçə və prospektdə 4 mindən çox nişan quraşdırılıb
08 May, 2025
“Biletim.az” portalı üzərindən onlayn bilet satışı artır
03 May, 2025
27 sayda müntəzəm marşrutun hərəkət sxemi müvəqqəti dəyişdiriləcək
30 Aprel, 2025
Beş müntəzəm marşrut xəttinə daha yeni avtobuslar cəlb edilir
