Bakı-Qusar-Bakı və Bakı-Xudat-Bakı şəhərlərarası müntəzəm avtobus marşrutları müsabiqəyə çıxarılır

13-06-2023

Azərbaycan Yerüstü Nəqliyyat Agentliyi (AYNA) şəhərlərarası sərnişindaşıma xidmətinin keyfiyyətinin artırılması ilə bağlı tədbirlər çərçivəsində 2 iyun 2023-cü il tarixində 8 istiqamət üzrə müsabiqəyə təqdim etdiyi şəhərlərarası müntəzəm avtobus marşrutlarından ikisi – Bakı-Qusar-Bakı və Bakı-Xudat-Bakı marşrut xətləri üzrə müsabiqəni uyulun 13 və 14-də keçirəcək.

İddiaçıların təklifləri komissiya tərəfindən Bakı-Qusar-Bakı və Bakı-Xudat-Bakı istiqamətlərində 7 Lot üzrə iyulun 13-də, Bakı-Qusar-Bakı istiqamətində 7 Lot üzrə iyulun 14-də müsabiqə keçirilən zaman açıqlanacaq.

Lotlar üzrə marşrutların qrafikləri haqqında məlumatı buradan əldə edə bilərsiniz.

Müsabiqə “Avtomobil nəqliyyatı haqqında” Azərbaycan Respublikası Qanununa, Azərbaycan Respublikası Nazirlər Kabinetinin 2009-cu il 3 aprel tarixli 52 nömrəli qərarı ilə təsdiq edilmiş “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası”na uyğun olaraq təşkil edilir.