Bu ilin mart ayı ərzində “biletim.az” portalı vasitəsilə onlayn qaydada 71 773 bilet əldə edilib. Bu, ötən ilin müvafiq dövrü ilə müqayisədə 2,1 dəfə çoxdur. Sevindirici haldır ki, artıq sərnişinlər səfərlərini reallaşdıran zaman onlayn bilet almağa üstünlük verirlər.

Qeyd edək ki, “biletim.az” portalında 51 şəhər və rayona, 80 istiqamət üzrə bilet almaq mümkündür. Sistemə 311 reys olmaqla 357 nəqliyyat vasitəsi qoşulub. Onlayn bilet satışı sistemi mərhələli şəkildə sərnişindaşıma sahəsində xidmət göstərən bütün daşıyıcı və avtovağzalları əhatə edəcək.

Portal vaxta qənaət, müştəri məmnuniyyətinin təmin edilməsi, ölkədə nağdsız ödəniş dövriyyəsinin artırılması baxımından bir sıra üstünlüklərə malikdir.

Bilet əldə etmək üçün sərnişinlər “biletim.az” saytına daxil olmalı və qeydiyyatdan keçməlidirlər. Mobil cihazlar üçün “Biletim” mobil tətbiqini “App Store” və “Google Play”dən yükləmək mümkündür.

Aprelin 1-dən avtonəqliyyat vasitələri ilə sərnişin daşımaları həyata keçirən hüquqi və fiziki şəxslərə “Fərqlənmə nişanı” və “Xüsusi fərqlənmə nişanı” yalnız onlayn müraciət əsasında https://e-xidmet.ayna.gov.az/ portalı üzərindən veriləcək.

Proses “AYNA” informasiya sisteminə inteqrasiya olunan “Fərqlənmə nişanı” altsistemi vasitəsilə həyata keçiriləcək. Həmin sistem üzərindən “Fərqlənmə nişanı”nın alınması üçün müraciətlərin edilməsi yalnız gücləndirilmiş SİMA və ASAN İmza ilə mümkün olacaq.

Sistemin yeni olmasını nəzərə alaraq, qarşıya çıxacaq sualları minimuma endirmək üçün “İstifadəçi təlimatları” hazırlanıb. Videotəlimat:

Qeyd edək ki, qanunvericiliyin tələblərinə əsasən, "Fərqlənmə nişanı" olmadan avtomobil nəqliyyatı vasitələri ilə sərnişin daşınmasına görə 40 manat məbləğində cərimə nəzərdə tutulub.

Azərbaycan Yerüstü Nəqliyyat Agentliyi (AYNA) Baş Dövlət Yol Polisi İdarəsi ilə birgə ölkə ərazisində buraxılış vəsiqəsi və buraxılış kartı olan daşıyıcıların sifarişli sərnişin daşınması üçün formulyarların istifadəsinə dair tələblərin yerinə yetirilməsini yoxlamaq üçün maarifləndirici tədbirlər keçirir. Birgə tədbirlərin keçirilməsində məqsəd bu sahədə dövlət tənzimlənməsini həyata keçirmək, sahibkarların qanuni maraqlarını qorumaq, şəffaflığı, qanunvericiliyin tələblərinin yerinə yetirilməsini təmin etmək və yeni hazırlanmış elektron sistemdən istifadə vərdişlərini formalaşdırmaqdır.

2024-cü il avtomobil nəqliyyatı sahəsində qazanılan bir sıra uğurlar və nailiyyətlərlə yadda qaldı. Bu uğurların təməlində isə son 20 il ərzində dövlət başçısı tərəfindən ölkə həyatının bütün sahələrini əhatə edən genişmiqyaslı islahatların ardıcıl həyata keçirilməsi, avtomobil nəqliyyatı sahəsində aparılan əsaslı struktur islahatları, idarəetmənin təkmilləşdirilməsi, əməliyyatlarda rəqəmsal texnologiyalardan geniş istifadə, tənzimləmə mexanizmlərinin tətbiqi yolu ilə sağlam rəqabət mühitinin formalaşması və digər amillər dayanır.